مين قال ان رمضان خلص لا رمضان موجود معانا طول السنة

طبعا العنوان غريب ولفت انتباهكم بس انا نفسي افتحه معاكم من اول يوم العيد بس مشاغل بقي احنا بامكانا نخلي رمضان موجود طول السنة نخلي السنة كلها رمضان انا مش قصدي نصوم طول السنة لا انا نفسي بنفس العادات والحماس اللي كنا فيه في رمضان اننا نفضل كده طول السنة باذن الله انا هوضحلكوا الفكرة في نقطة نقطة بالنسبة

للصلاة

ماشاء الله في رمضان بيكون المسجد مكتظ بالمصلين من بنات ورجال وسيدات
في كافة الصلوات الخمسة ولكن الحال بعد رمضان بيتغير يمكن احيانا بلاقي الصف
الاول مكتمل بالعافية يا جماعة رب رمضان هو رب باقي الشهور ليه بنبقي بحال فيه وبحال باقي شهور السنة يعني في ناس بتتغير 360 درجة بعد رمضان يا ريت زي ما بلتزم بالصلاة في رمضان في مواعيدها نكون كده بعد رمضان

الفجر:
نحافظ اننا نصليه في وقته هنضبط المنبه نقوم نصليه وكلنا طبعا عارفين فضل صلاة الفجر ومننساش ركعتا الفجر بالدنيا وما فيها .. ركعتي السنة ونقرا قران (إن قرآن الفجر كان مشهوداً ) ونقول اذكار الصباح و نرجع نكمل نومنا تاني احنا مش هنقضي عمرنا كله نوم

اغلبيتنا معاهم موبيلات في ناس بتقتصر فايدتها عندهم علي رنات ومسجات و............. طيب ليه منستخدموش الاستخدام الصح اننا نظبط المنبه يصحينا اوقات الصلاة او نرن علي بعض نصحيهم للصلاة وخصوصا صلاة الفجر لان اغلبنا بنكون نايمين ونكسب حسنات

الصيام

طبعا صيام رمضان فرض بس الصيام موجود طول السنة علي الاقل صيام اثنين وخميس وصيام الايام القمرية
وطبعا ممكن نصوم
* وقفة عرفات و 9ايام بتوع ذى الحجة
*يوم عاشوراء
*6 من شوال
واياااااااااااااااااام كتير طوال السنة


التراويح

طبعا صلاة التروايح في رمضان ليها طعم تاني ومن علامات رمضان المميزة طيب خلاص رمضان خلص ايه العمل ........ نصلي قيام الليل علي قد ماتقدري صلي وممكن تبداي بالتدريج النهاردة ركعتين وبكرة اربعة.........وممكن تتجمعوا انتوا والعيلة وتصلوا جماعة هيكون ليها طعم تاني خاااااالص هتحسوا كانكوا في صلاة التراويح